جاپانی ’سلم اینڈ سمارٹ‘ رہنے کے لیے کون سی غذائیں کھاتے ہیں؟

جاپان کے لوگوں کا طرز زندگی ایسا ہے جس سے انہیں وزن کم کرنے میں مد دملتی ہے۔ ان کی خوراک میں توازن اور اعتدال پایا جاتا ہے جس سے ان کا وزن کم ہوتا ہے۔
انڈین نیوز چینل این ڈی ٹی وی کے مطابق جاپان کے لوگ غذائیت سے بھرپور اور تازہ خوراک پسند کرتے ہیں جس میں مچھلی، تازہ سبزیاں، خمیر شدہ اشیا اور گرین ٹی شامل ہے۔
1۔ ہارا ہاچی بو
ہارا ہاچی بو طریقے کے مطابق آپ معدے کو پورا طرح بھرنے کے بجائے 80 فیصد تک کھانا کھاتے ہیں اور 20 فیصد کی گنجائش چھوڑتے ہیں۔ اس طرح زیادہ کھانے سے پرہیز کیا جاتا ہے اور کم کیلوریز لی جاتی ہیں۔ نتیجتاً وزن کم ہوتا ہے۔
2۔ غذایئت سے بھرپور اور کم کیلوریز والی خوراک
روایتی جاپانی کھانوں میں سبزیاں، چربی کے بغیر گوشت اور ہول گرین شامل ہے۔ غذایئت والی اس خوراک سے وٹامنز اور منرلز حاصل ہوتے ہیں اور میٹابولزم بہتر ہونے سے وزن کم ہوتا ہے۔
3۔ مچھلی اور سی فوڈ
جاپانیوں کی خوراک مچھلی اور سی فوڈ سے پھرپور ہوتی ہے جو چربی کے بغیر پروٹین اور اومیگا 3 حاصل کرنے کا بڑا ذریعہ ہے۔ اس سے پٹھے مضبوط ہوتے ہیں، میٹابولزم بہتر ہوتا ہے اور چربی کو اعتدال میں لانے میں مدد ملتی ہے جس سے وزن کم ہوتا ہے۔
4۔ چھوٹی پلیٹیں اور پیالے
جاپان کے لوگ کھانے کے لیے چھوٹی پلیٹیں اور پیالے استعمال کرتے ہیں جس سے کم کھانے کی عادت پڑتی ہے کیونکہ چھوٹی پلیٹ بھر کر کھانے سے دماغ کو سگنل جاتا ہے کہ کافی کھا لیا ہے اور اس وزن کم کرنے میں مدد ملتی ہے۔
5۔ باقاعدگی سے گرین ٹی کا استعمال
میٹابولزم کو ایکٹیویٹ کرنے کے لیے جاپان میں گرین ٹی کا استعمال کثرت سے کیا جاتا ہے۔ اس میں کیٹچنز پایا جاتا ہے جو چربی کی آکسیڈیشن کو بڑھاتا ہے اور کیلوریز کو جلاتا ہے۔ کھانے سے پہلے یا بعد میں گرین ٹی پینے سے نظام ہضم بہتر ہوتا ہے اور وزن میں کمی آتی ہے۔
6۔ جسمانی طور پر ایکٹو لائف سٹائل
مغربی ممالک کے برعکس کاریں اور دیگر ٹرانسپورٹ استعمال کرنے کے بجائے جاپان کے لوگ پیدل چلنے اور سائیکل کے استعمال کو ترجیح دیتے ہیں جس سے قدرتی طور پر کیلوریز کم کر کے وزن سے چھٹکارا پانے میں مدد ملتی ہے۔
ان عادات کو اختیار کر کے وزن کم کر کے صحت مند لائس سٹائل اپنایا جا سکتا ہے۔

Views= (140)

Join on Whatsapp 1 2

تازہ ترین