سدرہ بتول کا صرف حجاب پہن کر کام کرنے کا اعلان

ماضی میں دوپٹے اور حجاب کے بغیر اداکاری کرنے والی اداکارہ سدرہ بتول نے کہا ہے کہ اب وہ صرف حجاب کے ساتھ ہی اسکرین پر کام کریں گی، اگر انہیں ایسا کوئی کردار نہیں ملتا تو وہ کام ہی نہیں کریں گی۔
سدرہ بتول نے 2013 کے بعد اداکاری شروع کی تھی اور 2016 میں ان کی پہلی فلم ’ہلا گلا‘ سامنے آئی تھی، ان کا شمار مشہور ترین اداکاراؤں میں ہوتا ہے، انہوں نے متعدد ماڈلنگ منصوبے بھی کیے۔
سدرہ بتول نے 2017 میں شادی کی تھی، جس کے بعد وہ اسکرین پر کم دکھائی دیں اور انہیں دو بیٹیاں بھی ہیں مگر کچھ ہی عرصہ قبل انہوں نے شوبز میں واپسی کی تھی۔
سدرہ بتول نے متعدد تشہیری فوٹو شوٹ بھی کرائے مگر حال ہی میں انہوں نے انسٹاگرام سے اپنی تقریباً تمام بولڈ ویڈیوز اور تصاویر ڈیلیٹ کردی تھیں اور اب انہوں نے اعلان کیا ہے کہ وہ صرف حجاب پہن کر ہی اداکاری کرتی دکھائی دیں گی۔
سدرہ بتول نے حال ہی میں انسٹاگرام پر مداحوں کے سوالوں کے جوابات دیے اور بتایا کہ وہ ان دنوں نہ صرف قرآن پاک کی تلاوت کر رہی ہیں بلکہ اس کا ترجمہ پڑھنے کے علاوہ مولانا طارق جمیل کے خطابات بھی سن رہی ہیں۔

Views= (94)

گروپ جائن کرنے کے لیے کلک کریں (NewsHook) /#/ (NewsHook-2)

اہم خبریں/ تازہ ترین