اسلام آباد کی تاریخ کا سب سے مہنگا پلاٹ فروخت، قیمت جان کر حیران رہ جائیں گے

Jan 25 2023 | ویب ڈیسک

اسلام آباد کی تاریخ کا سب سے مہنگا بلیو ایریا کا پلاٹ 8 ارب 54 کروڑ سے زائد مالیت میں فروخت کر دیا گیا۔
اسلام آباد کے کنونشن سینٹر میں 26 جنوری تک وفاقی ترقیاتی ادارے (سی ڈی اے) کی جانب سے پلاٹوں کی نیلامی کی جا رہی ہے، حکام کے مطابق وفاقی دارالحکومت کے 12 کمرشل اور 46 رہائشی سیکٹرز کے پلاٹوں کی نیلامی کی جانی ہے۔
سی ڈی اے تین روزہ پلاٹوں کی نیلامی کے پہلے ہی روز 8 کمرشل پلاٹوں کی نیلامی کے ذریعے 22 ارب 11 کروڑ سے زائد مالیت کا معاوضہ حاصل کرنے میں کامیابی ہوئی جبکہ اسلام آباد کی تاریخ کا سب سے مہنگا پلاٹ بلیو ایریا کا پلاٹ نمبر 26 ساڑھے 8 ارب سے زائد مالیت میں نیلام کیا گیا۔
سی ڈی اے کے ترجمان نے بتایا کہ اسلام آباد کی تاریخ کا سب سے مہنگا پلاٹ دارالحکومت کے سب سے بڑے کاروباری علاقے بلیو ایریا میں واقع ہے۔
اس کے علاوہ تین مزید پلاٹ جو سی ڈی اے کی جانب سے نیلام کیے گئے ہیں ان میں سے دو پلاٹ اسلام آباد کے سیکٹر آئی 14 اور ایک پلاٹ سیکٹر آئی 8 کے مرکز میں واقع ہے۔

CDA just auctioned Islamabad’s most expensive plot in its history with price of more than 8.54 billion. Total 4 plots sold so far for an amount of 11 Billion 95 Crores. Keep it up team CDA.

— Muhammad Usman Younis (@CaptainUsman) January 24, 2023

بلیو ایریا کا ہی پلاٹ 30 لاکھ سے زائد فی سکوائر یارڈ کے حساب سے بھی نیلام ہو سکا، سی ڈی اے حکام کے مطابق آئندہ دو روز میں بھی اتھارٹی ملکی زرمبادلہ میں بڑی سرمایہ کاری شامل کروانے کے لیے پر امید ہے۔

Views= (841)