اداکارہ اشنا شاہ کی مختصر اور بولڈ لباس میں وڈیو وائرل
Jun 17 2024 | ویب ڈیسک
اداکارہ اشنا شاہ نے اپنی بولڈ تصاویر اور ویڈیوز پر تنقید کرنے والے افراد کو کرارا جواب دیتے ہوئے کہا ہے کہ ان کے شوہر کبھی کبھار انہیں کھانے کی اجازت بھی دیتے ہیں۔
اشنا شاہ نے حال ہی میں شوہر کے ہمراہ ویانا سے مختصر ویڈیو شیئر کی، جس میں اداکارہ کو مختصر اور بولڈ لباس میں دیکھا گیا۔
اداکارہ کی جانب سے انسٹاگرام پر ویڈیو کو شیئر کیے جانے کے بعد اسے دوسرے سوشل میڈیا پیجز کی جانب سے بھی شیئر کیا گیا، جہاں صارفین نے اداکارہ کو آڑے ہاتھوں لیا۔
اداکارہ کی ویڈیو پر متعدد شوبز شخصیات نے بھی کمنٹس کیے اور انہوں نے اداکارہ کی خوبصورتی اور لباس کو سراہا، تاہم بعض صارفین نے انہیں مختصر لباس پہننے پر آڑے ہاتھوں بھی لیا۔
زیادہ تر افراد نے اداکارہ کی جانب سے مختصر لباس پہننے پر انہیں بے شرم کہا اور ان کے لیے نامناسب الفاظ کا استعمال بھی کیا۔
کچھ افراد نے اداکارہ کے شوہر پر بھی تنقید کی اور بعض نے سوال اٹھایا کہ اداکارہ کو ان کے شوہر کیسے مختصر لباس پہننے کی اجازت دیتے ہیں؟
ایک صارف کی جانب سے اداکارہ کے شوہر پر حیرانگی کا اظہار کیے جانے اور سوال کرنے پر کہ انہوں نے کیسے اپنی اہلیہ کو مختصر لباس پہننے کی اجازت دی، اس پر اداکارہ نے انہیں کرارا جواب دیا۔
اداکارہ نے تنقید کرنے والے صارف کے کمنٹس پر مزاحیہ انداز میں لکھا کہ ان کے شوہر کبھی کبھار انہیں کھانے پینے کی اجازت بھی دیتے ہیں۔
اداکارہ کی جانب سے تنقید کرنے والے کو کرارا جواب دیے جانے پر بعض صارفین نے اداکارہ کی تعریفیں بھی کیں۔
Views= (1113)
Join on Whatsapp 1 2