گنڈاپور کی گرفتاری کی خبریں، خیبرپختونخوا میں گورنر راج لگنے والا ہے؟
Oct 5 2024 |
وزیرِاعلیٰ خیبرپختونخوا علی امین گنڈاپور کی اسلام آباد میں کے پی ہاؤس سے گرفتاری کی متضاد خبریں سامنے آرہی ہیں، ایسے میں ان کے صوبے خبرپختونخوا میں گورنر راج کی خبریں بھی زیر لب ہیں۔
سابق ایڈووکیٹ جنرل شمائل بٹ نے اس حوالے سے آج نیوز سے گفتگو کی ہے۔
شمائل بٹ کا علی امین گنڈاپور کی گرفتاری پر کہنا تھا کہ ہائیکورٹ سے ضمانت کی صورت میں وزیراعلیٰ کی گرفتاری نہیں ہوسکتی، اگر علی امین گنڈاپور متعلقہ عدالت میں پیش نہیں ہوتے تو پھر گرفتاری قانونی ہے۔
سابق ایڈووکیٹ جنرل شمائل بٹ نے کہا کہ لشکر کشی کو جواز بنا کر صوبے میں گورنر راج لگایا جاسکتا ہے، گورنر راج کے لیے وزیراعظم صدر کو سمری بھیجیں گا، صدر توثیق کے لیے گورنر کو کنٹرول سنبھالنے کی ہدایت جاری کرے گا۔
انہوں نے مزید کہا کہ گورنر راج کے بعد صوبائی اسمبلی حق میں یا مسترد کرنے کی قرار داد منظور کرے گی۔
تاہم، اس حوالے سے ابھی تک کوئی خبر سامنے نہیں آئی ہے کہ خیبرپختونخوا میں گورنر راج لگایا جائے گا یا نہیں۔
Views= (699)
Join on Whatsapp 1 2